Få under 35 år har stemt i alle dei tre siste kommunevala

Det er mest menn med utdanning på grunnskulenivå som sit heime i alle val, skriv Statistisk sentralbyrå.

Blant alle som hadde stemmerett i kommunevala 2015, 2019 og 2023, var det 48 prosent som stemde i alle tre. Blant vaksne mellom 26 og 34 år var andelen berre 24 prosent. Kommuneval har generelt lågare deltaking enn stortingsval.

Alt i alt har likevel 80 prosent av dei stemmeføre stemt i minst eitt av dei tre siste kommunevala. Blant dei med grunnskuleutdanning er det 65 prosent, blant dei med vidaregåande skule 82 prosent og blant dei med universitetsutdanning heile 89 prosent.