Pop-songar Sval (21) byr på musikktips og innspel i Musikkdagboka.
Denne artikkelen er eldre enn 1 år gamal. Det betyr at noko av informasjonen kan vere utdatert.
Sval Rosenløw Eeg (21) frå Oslo er kjend under artistnamnet Sval.
Ho vart kjend for folket då ho i 2011 vann Melodi Grand Prix junior, med songen Trenger deg. Sidan då har ho halde fram å skriva og laga pop-musikk, med fleire singlar.
I 2016 kom plata Mellom oss, og i 2019 Ep-en Young Alien.
https://www.youtube.com/watch?v=Hf3UE6XeME4
I musikkdagboka deler artisten og låtskrivaren musikken som har forma ho:
Favorittsjanger:
Pop og R&B
Favorittband:
The 1975
Første favorittlåt:
Eg hugsar ikkje konkret låt, men det var mykje musikk frå Disney Channel på spelelista då eg var liten.
Kva synest du i dag om musikksmaken din som tenåring?
Det var først som tenåring at eg byrja å utforske nye artistar og sjangrar, ting som eg framleis kan høyre på i dag, så musikksmaken var ikkje så aller verst.
Første album du kjøpte sjølv:
Speak Now – Taylor Swift
Kva syng du i dusjen?
Love Really Hurts Without You – Billy Ocean
Eg eeelskar denne songen. Eg høyrte på den i heile 2019 utan å bli lei.
Verdas beste kjærleikslåt?
Shiver And Shake – Ryan Adams
Eg oppdaga denne songen ved at pappa tilfeldigvis spelte musikk i stova. Den traff meg umiddelbart, og det er ein sånn song eg alltid kjem til å ha i listene mine.
Og You Were Good To Me – Chelsea Cutler
Denne er så nostalgisk og tvers igjennom superfin.
Kva låt skulle du ynskje du hadde laga?
White Ferrari – Frank Ocean
Beste treningsmusikk:
Heartbeat – Childish Gambino
Eg likar å høyre på litt aggressiv musikk når eg trenar. Eg er avhengig av musikk for å få energi. Eg trur kanskje musikken står for halvparten av jobben.
Guilty pleasure:
Alt av roleg countrymusikk.
Verdas mest oppskrytte band/musikar:
Eg har ikkje noko godt svar her. Om eg ikkje likar musikken til nokon, så høyrer eg ikkje på dei:)
Verdas mest undervurderte band/musikar:
Rosalía! Ho er ikkje undervurdert i verda, men eg håpar fleire i Noreg byrjar å høyre på ho sjølv om ho syng på spansk.
Kva for artist (levande eller død) ville du hatt privatkonsert og middag med i stova di?
Frank Ocean! Eg vil berre ha ein roleg middag og snakke om korleis han skriv låtane sine.
Kva låt vil du ha i bryllaupet ditt?
Kiss Me – Ed Sheeran
Kva låt vil du ha i gravferda di?
The Night We Met – Lord Huron
