Channing Tatum skal overleve på Vestlandet
Kjendisbesøket skapte overskrifter i norske aviser denne sommaren. Komande helg kan du sjå resultatet på TV.
Denne artikkelen er eldre enn 1 år gamal. Det betyr at noko av informasjonen kan vere utdatert.
I fjor sommar kom Hollywood til Vestlandet, då den amerikanske skodespelaren Channing Tatum var på reise med den britiske overlevingsguruen Bear Grylls.
Saman spelte dei inn ein episode av TV-serien «Running wild with Bear Grylls». Episoden vert sendt på National Geographic Channel komande søndag.
I serien tek programleiar Bear Grylls med seg ein kjendis ut i vill natur for å overleve ei viss periode, eller nå eit mål.
Fleire norske aviser som VG og Dagbladet, i tillegg til eit haug med lokalaviser, hadde denne sommaren fleire saker om at Channing Tatum blei sett i Rogaland og Sogn og Fjordane. På det tidspunktet var det usikkert kva den amerikanske kjendisen gjorde i Noreg.
Vår eigen statskanal, NRK, hadde òg ei sak om at skodespelaren hadde besøkt Værlandet i det som var Sogn og Fjordane.
Komande søndag kan resultatet av besøket sjåast på norsk tv. Då skal Magic Mike overleve i fjella på Vestlandet. Ifølgje kanalen skal Channing Tatum blant anna fange aure.
Channing Tatum er ikkje framand for konseptet. Han var med i ein episode av same tv-program i 2014. Den gong i den amerikanske nasjonalparken Yosemite. Der endte han opp med å ete både skorpion og slange.
Her får du ein liten smakebit av programmet frå Noreg:
