6. ETG: Årtusenets julekalender: Velkommen til år 2004
Denne artikkelen er eldre enn 1 år gamal. Det betyr at noko av informasjonen kan vere utdatert.
Dette lytta me til
Dragostea Din Tei av den moldovsk/rumenske gruppa O-zone.
Høyr heile VG-lista topp 20 på Spotify.
Dette såg me på kino
Shrek 2 hadde 610 747 besøkande på kino i Noreg, og var dimed den mest sette filmen.
På andre- og tredjeplass var Harry Potter og fangen fra Azkaban og Ringenes Herre: Atter en konge.
Kjelde: Kinotoppen til MedieNorge
Dette sa me
Årets nyord var: Politikjend. Årets slanguttrykk var: Awesome Sauce
Dette hadde me på oss
Velour! Deilige joggesett i velour.
Dette lo me av
Numa Numa-dansen. Etter å ha høyrt Dragostea din tei, bestemde Gary Brolsma seg for å lasta opp ein lip dub på Youtube. Med genuine dans- og handrørsler, vart ei heil verd sjarmert. Og sånn vart både han og låta kjend for eit mykje større publikum.
Den er truleg sett rundt 70 millionar gonger til saman, og han var til og med med i ein South Park-episode.
https://www.youtube.com/watch?v=KmtzQCSh6xk
Dette snakka me om
1. Facebook blir lansert
Det er lenge sidan ein måtte forklara nokon kva Facebook er. Men i 2004 var Mark Zuckerberg 19 år, og kunne fortelja om si nyfinning: The Facebook.
I starten var det ein slags database over studentane på Harvard, universitetet han og dei andre «oppfinnarane» gjekk på.
I 2004 var målet å få det utvida til fleire universitet og høgskular i USA. Etterkvart hadde dei omlag 100.000 brukarar og folk ved fleire ulike universitet hadde byrja bruka det sosiale mediet.
– Maybe we can make something cool, sa Zuckerberg i sitt første intervju på CNBC (videoen øvst).
Frå 2006 vart Facebook opna for alle i verda, som er over 13 år. I dag er det over 2,5 milliardar aktive brukarar i månaden, og Facebook er det største sosiale mediumet i verda.
2. Janet Jackson og «Nipplegate»
https://youtu.be/CeVkKoSgkTg?t=62
Janet Jackson og Justin Timberlake underhaldt i pausen på Super bowl. «Halftime»-en er noko av det som er mest sett på TV i USA, både då og i dag.
Under eitt av nummera kjem Timerlake mot Jackson, legg handa over overkroppen hennar og røskar av ein del av toppen. Den som dekte brystet. Og i eit kort augneblink ser dei 140 millionar sjåarane brystet hennar. Så kjem det pyro frå alle kantar og songen er over.
Ingen av dei to artistane har til dags dato innrømt om det var planlagt eller ikkje.
1. Februar 2004: Janet Jackson og Justin Timberlake, rett etter Timberlake drog av delar av toppen til Jackson og “heile verda” såg brystet hennar. Dette var under Half time i Super Bowl XXXVIII i Houston. (AP Photo/David Phillip, File)
Det vart stor oppstanding over hendinga, og diskusjonar rundt direkte-sending. Kanalen la inn fleire restriksjonar på nakenheit på skjermen, og Super Bowl sjølv hadde kun «gamle klassikarar» på scenen dei neste seks åra. Ikkje ei kvinne opptrådde, før Black Eyed Peas i 2011.
«Janet Jackson» var også det som var mest søkt på internett både i 2004 og 2005. Forklaringa på at det skjedde vart kalla ei «wardrobe malfunction» (Garderobefeil), som så vart teke inn i ordbøkene som eit omgrep.
Og Jawed Karim, mannen bak Youtube, meiner at «Nipple gate» var ein av grunnane til at han laga nettstaden. Han ergra seg sånn over at han hadde gått glipp av denne TV-augneblinken som alle andre hadde sett. Eitt år seinare registrerte han domenet Youtube.com.
3. Siste episode av Friends
Sjølv om mange av oss stadig finn fram Friends på Netflix, er det altså 15 år sidan det vart produsert ein Friends-episode.
52 millionar sjåarar følgte med då den siste episoden vart sendt 6. mai 2004. 236 episodar og 10 sesongar etter første episode i i september 1994.
Dei fem venene Monica, Ross, Joey, Phoebe, Rachel og Chandler har gjeve oss drøssevis av minneverdige TV-augneblinkar.
4. Mean Girls
Eit ekstra punkt måtte faktisk til, fordi: Mean girls!
Filmen som forma ein heil generasjon, gav oss dei beste sitata, lærte oss om venskap og moral, underhaldt oss på overnattingsfest og gav oss Pink Wednesday!
Filmen har til og med fått ein eigen nasjonaldag: Mean Girls Day, som vert markert kvart år 3. oktober.
Og me har fått masse uttrykk frå filmen. Som «fetch» til dømes.
Karakteren Gretchen prøver å innføra uttrykket som eit ord for fint eller kult. Og med suksessen til filmen, vart også omgrepet teke i brukt over heile verda.
