Jon Fosse er nominert til Ungdommens kritikerpris

Tysdag kveld annonserte Foreningen !les dei åtte kandidatane til Ungdommens kritikerpris. Ein vaksenjury har lese og vurdert over 200 skjønnlitterære utgjevingar i 2019 og valt ut åtte nominerte.

Dei nominerte er:

• Hvor lenge varer vi – Mari Andreassen (Cappelen Damm)
• Voksne mennesker – Marie Aubert (Oktober)
• Vi er fem – Matias Faldbakken (Oktober)
• Det andre namnet. Septologien I-II – Jon Fosse (Samlaget)
• Svamp – Morten Langeland (Flamme)
• Hvit hare, grå hare, svart  – Øyvind Rimbereid (Gyldendal)
• Bergverket – Ingvild Schade (Cappelen Damm)
• Mødre og døtre – Tiril Broch Aakre (Flamme)

Er du ein Fosse-fan? Test deg sjølv i vår store Jon Fosse-quiz!

Unntaket Jon Fosse

Blant dei nominerte er Jon Fosse einaste nynorskinnslag.

– Mange av landets mest kjente forfattarar gav ut bøker i 2019, utan at juryen let seg sjarmere. Jon Fosse var eit stort unntak, skriv juryen i grunngjevinga.

Dei meiner Septologien I-II med sine lange, grublande tankestraumar grip tak i lesaren med full styrke.

– Sjølv om språket kanskje set lesaren på prøve, kan juryen einstemmig melde at biltur med Fosse i høgste grad er verdt innsatsen, understrekar dei.

Juryen består av forfattar Ida Lødemel Tvedt, bibliotekar og bokmeldar Katrine Judit Urke og Elin Kittelsen.

No skal sju juryklassar frå vidaregåande skular over heile landet lesa bøkene og diskutera seg fram til vinnaren av Ungdommens kritikerpris 2019. Prisen vert delt ut på Sentralen i Oslo, torsdag 12. mars 2020.

Les også: Skodespelar Eili Harboe skifta hovudmål etter å ha lese Jon Fosse: – Det kjennest meir naturleg for meg. Meir personleg på eit vis

Skodespelar Eili Harboe (til høgre) fekk for alvor augo opp for Jon Fosse då ho spelte teaterspira Tale i filmen «Kyss meg for faen i helvete». Foto: Motlys