Ein ny storfilm, som tar opp arven etter «Bølgen» og «Skjelvet», er på gang. «Nordsjøen» blir ein spenningsfilm frå norsk oljemiljø.
NPK-NTB
NPK-NTB

Det er ikkje berre NRK-serien «Lykkeland» som djupdykkar i det norske oljeeventyret. No blir det også planlagt ein ny storfilm frå «norsk sokkel» – med planlagt premiere hausten 2021.

Manusforfattarane Harald Rosenløw Eeg og Lars Gudmestad står bak nokre av dei største filmane i norsk filmhistorie. Dei skal no fabulere fram ei forteljing som både er i drama-, action og katastrofesegmentet. Handlinga blir sett til den norske oljebransjen.

Manusforfattarane sjølve seier dette i ei felles fråsegn:

– Forfattarhjertane våre ligg både i det å leike oss med det spennande «kva om-scenarioet» – og i å skildre vanlege menneske som blir setje på store prøvar.

I pressemeldinga seier dei vidare:

– Vi gler oss også til å jobbe med regissør John Andreas Andersen igjen, og veit at han kjem til å gjere manuset vårt om til ein medrivande og spektakulær filmoppleving».

Ifølgje pressemeldinga frå Fantefilm skal filmen ta seg inn i «ein høyteknologisk bransje som heile tiden balanserer på grensa av det umulege på ein av klodens mest ugjestmilde arbeidsplasssr».

– Menneskeleg svikt får fatale konsekvensar, og mange liv har gått tapt i jakta på det svarte gullet. Dyreliv og natur blir også påført enorme skader når ting går galt. Likevel har slike ulykker blitt ein risiko vi har valt å leve med fordi gevinsten er for stor til å la vere» , heiter det vidare.

– Spørsmålet er kor lenge oljeeventyret vårt vil vare, og ikkje minst korleis det vil ende. Om vi kjem til å setje ein sluttdato, eller om naturen vil gjere det for oss, seier Martin Sundland, produsent i Fantefilm Fiksjon.

Så langt er det ikkje kjent kven som får hovudrollene i «Nordsjøen». (©NPK)

LES SISTE FILMNYTT HER!

Oppdatert: onsdag 14. august 2019 16.39

LES OGSÅ

Kommentarar

ANNONSE