Turneen er finansiert med støtte frå Sparebanken Vest, som no har løyvd 100.000 kroner til satsinga på nynorskavis for barn.
– Framtida Junior har som mål å gjere det kjekt å lese nyheiter for barn på nynorsk, og vi søkjer no etter barn som vil vere juniorjournalistar i redaksjonen vår, og skular som vil ha besøk av oss, seier redaktør Svein Olav B. Langåker i Framtida.no.
Framtida Junior finst på både nett og papir, og over 50.000 brukarar har vore innom nettavisa sidan starten i fjor haust. Bak nettavisa står Landssamanslutninga av nynorskkommunar (LNK), Framtida.no og ABC Startsiden. Papiravisa gir Framtida.no ut i samarbeid med lokalavisene Hallingdølen, Hordaland, Os og Fusaposten, Sogn Avis og Sunnhordland.
Les også: Verdspremiere: Framtidajunior.no er klar!