Åsmund Kringeland vann i helga Noregsmeisterskapen i saueklipping med å klippe 12 sauer på 9 minutt. Den raskaste tida var 41 sekund på ein sau.

NPK-NTB
NPK-NTB

Konkurransen gjekk av stabelen i Ringebu i Gudbrandsdalen og målet var å klippe sau fort og presist, samtidig som sauen ikkje vart skadd under klippinga.

Kringeland har vore i finalen i NM dei siste fem åra, men dette var første gong han vann konkurransen.

– Eg har jobba bevisst med å bli betre teknisk, og bli betre med utstyret eg brukar, så eg trur det kan ha gjort utslaget, seier Kringeland til avisa Nationen.

Han er profesjonell saueklippar, og jobbar til dagleg på slakteriet Fatland Ølen i Rogaland.

No blir Åsmund Kringeland Noregs representant når VM i saueklipping vert arrangert i byen Invercargill på sørkysten i New Zealand 9.– 11. februar neste år. (©NPK)

Oppdatert: onsdag 24. mai 2017 16.12
ANNONSE