Svenske kommunar skal tvingast til å ta imot flyktningar
Svenske kommunar skal kunne beordrast til å ta imot eit visst tal på nyankomne flyktningar, foreslår regjeringa. Kommunar som ikkje har bustader nok, får beskjed om å byggje nye.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Svensk flyktning-tvang
Det skal utarbeidast eit kommunetal som fortel kor mange personar ein kommune bør kunne ta imot, sa Sveriges arbeidsminister Ylva Johansson på ein pressekonferanse onsdag.
LES OGSÅ: Fleire kommunar vil ta imot flyktningar
Storleiken på kommunen og arbeidsmarknaden skal spele inn. Det skal også talet på flyktningar og innvandrarar som allereie er busette i kommunen.
Arbeidsministeren påpeiker at fordelinga mellom kommunane i dag er svært skjev.
– Eg meiner at denne skeive fordelinga ikkje er haldbar i lengda, seier Ylva Johansson, som også fekk spørsmål om kva som skal skje med kommunar som ikkje har plass til å ta imot fleire.
– Dei får byggje, svarte ho.
Forslaget skal no ut på høyring før det leggjast fram for Riksdagen. Johansson seier det er viktig å lytte på kommunane i prosessen. (©NPK)