Statnett har stogga arbeidet
Denne artikkelen er eldre enn 1 år gamal. Det betyr at noko av informasjonen kan vere utdatert.
Statnett har førebels stogga arbeidet etter at aksjonistar har slått seg til på riggplassen i Folkedal.
Aksjonistane har varsla at dei vil koma til å aksjonera fleire andre stader også.
Nokon har planar om å slå seg til på ei eller anna side av fjordspennet, andre på Eide (kaien i Granvin). Dei tek sikte på å utføra sivil ulydnad.
GÅ TIL TEMASIDENE VÅRE FOR KRAFTLINJESAKA!
Anita Aalvik i aksjonsgruppa ville fredag morgon ikkje seia så mykje om aksjonen sidan dei ikkje hadde halde på så lenge.
– Me ventar at politiet vil koma her snart, så lenge me har stogga arbeidet, fortel ho til Hordaland.
– Me har akkurat fått melding om aksjonen og er på veg, fortalde politifyrstebetjent ved Voss lensmannsdistrikt, Jostein Skeie ved halv ni-tida fredag morgon.
