Dykka etter breiflabb-slo

Dykka etter slo frå rekordbreiflabb

Dykkarar frå Kvinnherad Undervannskklubb stilte sporty opp for Havforskningsinstituttet tysdag ettermiddag. Breiflabbrestane vart ikkje funne, men breiflabb-ekspert Otte Bjelland trong likevel ikkje reisa tomhendt tilbake frå Kvinnherad.

Fem dykkarar frå klubben dykka i ein knapp time og leita med lykter på havbotnen i området på Sandvoll der restane vart kasta på sjøen.

– Svært sympatisk gjort av dykkarane, seier havforskar Otte Bjelland som er instituttet sin breiflabb-mann.

LES OGSÅ: Verdas største breiflabb

Leitinga var resultatlaus, men etter at dykkarane hadde pakka saman, fekk Bjelland napp likevel. LItt seinare på kvelden ringde han Kvinnheringen med følgjande gladmelding:

– Det viste seg at han som fekk fisken, Frank-Rune Kopperud, hadde tatt vare på ryggbeinet. Også der legg det seg «årringar» som gir oss ein sjanse til å finna alderen til rekordfisken. Strukturen er rett nok dårlegare enn i øyresteinane som ligg i hovudet, men dette er betre enn ingenting, seier Bjelland som dermed ikkje hadde bomtur til Kvinnherad likevel.

Bjelland er også glad for å ha oppretta kontakt med dykkarklubben.

– Det er viktig for Havforskingsinstituttet å ha god kontakt med folk som lever tett på sjøen, både dykkarar og fiskarar, seier Bjelland.

Han kan elles opplysa at den førre breiflabbrekorden i Kvinnherad – ein rugg på 79 kilo som vart tatt utanfor Rosendal – vart aldersbestemt til om lag 15 år.

– Det er ikkje sikkert at rekordfisken er så veldig mykje eldre – kanskje 20–25 år, tippar Bjelland som lovar tilbakemelding når undersøkingane av halebeinet er gjennomførte.

LES SAKA I KVINNHERINGEN!

Sjå video av breiflabben her:

LES ANDRE KURIØSE SAKER HER!