Tidenes beste skuleval for Ap og MDG
Høgre og Frp går kraftig tilbake i skulevala.
Denne artikkelen er eldre enn 1 år gamal. Det betyr at noko av informasjonen kan vere utdatert.
Tidenes beste resultat for Ap
Resultatet frå skulevalet blei lagt fram klokka 20 tysdag kveld. Arbeidarpartiet fekk 31,9 prosent av stemmene, og gjorde med dette sitt beste skuleval sidan vala starta i 1989. Partiet gjekk fram 8,9 prosent sidan stortingsvalet 2013.
Miljøpartiet Dei Grøne gjer òg eit rekordresultat med 6,7 prosent av stemmene, fram 2,9 prosentpoeng.
LES OGSÅ: Foreldre påverkar skulevalet mest
Høgre er største tapar i valet, og går tilbake 11,8 prosent – til 16,4 prosent.
Framstegspartiet gjer sitt dårlegaste skuleval nokon gong, og enda på 10,5 prosent.
190.000 elevar var med i skulevalet. Det er det høgaste talet nokon gong.
