Nei takk til reklame på engelsk
Eit fleirtal av befolkninga synest reklame retta mot nordmenn bør vere på norsk, viser ei ny undersøking frå Språkrådet.
Denne artikkelen er eldre enn 1 år gamal. Det betyr at noko av informasjonen kan vere utdatert.
Nei takk til engelsk reklame
– 57 prosent av befolkninga meiner at all reklame bør vere på norsk, seier seksjonssjef i Språkrådet Nina Teigland til NRK.
Ho fortel at undersøkinga også viser at 60 prosent av befolkninga ikkje har tru på at engelsk marknadsføring i Noreg fremjar sal.
LES OGSÅ: Her er dei nominerte til årets "Gullbarbie"
Kjedestyrte butikkar
NRK har snakka med fleire butikkleiarar og spurt dei kvifor engelsk ofte vert brukt i marknadsføring mot norske forbrukarar. Dei fleste fortel at engelsk marknadsføring kjem av at butikkane enten er kjedestyrte eller at dei ønskjer å stå fram som internasjonale.
Pensjonert språkprofessor Arne Kjell Foldvik blir glad når han høyrer om resultata frå spørjeundersøkinga.
– Dette er ei god nyheit. Eg har snakka litt med folk som driv med marknadsføring, og dei fortel meg at å bruke engelsk ofte er ein lettvint snarveg for å få noko til å høyrast betre ut. Årsaka til det er nok at ein er så dårleg i engelsk at ein ikkje kan skilje mellom godt og dårleg, seier han.
Han meiner at resultatet blir betre om ein i staden leitar etter gode norske ord og uttrykk.
LES OGSÅ: Oppmodar til å vera kritisk mot reklame
