Unge nordmenn bryr seg lite om global oppvarming. Her Kharo-la-breen i Tibet, som har krympa mykje dei siste åra på grunn av klimaendringar. Bilete: Einar Fredriksen/Flickr/CC-lisens.
Ikkje oppteken av klimaendringar
Unge nordmenn bryr seg lite om global oppvarming.
Denne artikkelen er eldre enn 1 år gamal. Det betyr at noko av informasjonen kan vere utdatert.
Medan ungdommar tidlegare har hatt klimaendringane høgt på lista over dei største utfordringane våre, kjem klima i år heilt ned på ellevte plass på TNS Gallups klimapanel, skriv Aftenposten.
I 2009 rangerte dei unge klimaendringar som den nest største utfordringa Noreg står overfor. I dag er det aukande vald og kriminalitet, innvandring og integrering som bekymrar dei unge mest.
Professor Bernt Aardal peiker på at miljøinteressa går i syklusar.
– Interessa til dei unge er avhengig av at det er drama og merksemd rundt miljø, seier valforskaren. (©NPK)
Prøv vår klimaquiz her!
Annonse
