Australia kan få aldersgrense på 16 år for sosiale medium
Statsministeren i Australia vil ha barn vekk frå skjermen og «ut på fotballbana». Ei ny aldersgrense for sosiale medium kan bli så høg som 16 år.
Seinare i år vil regjeringa leggje fram eit lovforslag som skal halde barn unna sosiale medium, seier statsminister Anthony Albanese, som meiner sosiale medium har ein svært negativ effekt på unge menneske.
Det er ikkje bestemt kva aldersgrensa for å bruke Facebook, Instagram, TikTok og liknande tenester kjem til å bli, men det er venta at ho vil liggje ein stad mellom 14 og 16 år, seier statsministeren.
– Få borna ut på fotballbaner
Dei næraste månadene skal styresmaktene teste aldersverifisering, og så skal lovforslaget komme innan året er omme.
– Eg vil få barna vekk frå einingane sine og ut på fotballbaner, tennisbaner og i symjebasseng. Vi vil at dei skal ha ekte opplevingar med ekte menneske, fordi vi veit at sosiale medium forårsakar sosiale skadar, seier han i eit intervju med kringkastaren ABC.
I ei rekke intervju om planen om å innføre ei aldersgrense har Albanese sagt at han vil føretrekkje å sperre sosiale medium for barn under 16 år.
Les også:
