≡ Meny
Framtida

i samarbeid med ABC Startsida

Tema: Nynorsk

Prisar bryggeri for nynorsk

Nynorsk næringslivspris til Ægir bryggeri.

Admin
søndag 11. desember 2011 10.42

Prisar bryggeri for nynorsk Vertskapet Aud Melås og Evan Lewis då dei fekk prisen under ei markering på Håndverkeren i Oslo. Foto: Kjartan Helleve/NM

Ægir bryggeri er tildelt Nynorsk næringslivspris 2011 frå Noregs Mållag.

– Vinnaren av Nynorsk næringslivspris 2011 er ei sterk merkevare i ein ny og veksande marknad, seier Håvard B. Øvregård, leiar i Noregs Mållag og leiar i juryen.

– Ægir bryggeri har ein god og gjennomført presentasjon av produktet, der innhald, namn og språk heng godt saman. Nynorsk er det naturlege valet på etikettar, vevside, fjesbok og anna kommunikasjon, seier Håvard B. Øvregård i ei pressemelding.

– Det var aldri noko alternativ, sa vertskapet Aud Melås og Evan Lewis då dei fekk prisen under ei markering på Håndverkeren i Oslo.

Ægir bryggeri starta i 2007, og på den korte tida har dei fått mange utmerkingar og prisar for produktet sitt. Det flytande handverksproduktet kan du i dag finne i butikkar og skjenkestadar over heile landet. I ei bryggerinæring prega av oppkjøp og sentralisering, er mikrobryggeri med lokal forankring og særpreg ei ny og alternativ nisje i vekst.

Bryggeriet med tilhøyrande skjenkestove ligg i Flåm i Aurland kommune, er kalla opp etter ølbryggaren til dei gamle norrøne gudane, og er drive av ein heimflytta sogning og ein utvandra amerikanar.


Oppdatert: søndag 11. desember 2011 17.49
Kommentarar



 
ANNONSE: