Færre bryr seg om fotball
Kjem på fjerdeplass blant idrettar i Noreg, målt etter interesse.
Denne artikkelen er eldre enn 1 år gamal. Det betyr at noko av informasjonen kan vere utdatert.
Sjølv om mange i desse dagar lar seg rive med av EM i Frankrike, har interessa for fotball vore større før, ifølgje meiningsmålingsselskapet Ipsos.
Undersøkinga Norsk Monitor, som sidan 1980-talet mellom anna har målt idrettsinteressa hos folk, viser at fotballinteressa har falle meir eller mindre jamt sidan da. I dag seier over éin av tre nordmenn at dei ikkje bryr seg om ballsparkinga i det heile.
LES OGSÅ: Fotballkarrieren enda med sjølvmordsforsøk
– Interessa har gått nedover, seier avdelingsleiar Kristin Rogge Pran i Ipsos til Dagens Næringsliv.
– I 1985 sa 82,5 prosent av mennene at dei var litt eller svært interesserte i fotball. No er talet 74,4. Kvinnene har falle frå 54 prosent i 1985 til 50,5 no, seier ho.
Andre idrettar ser ut til å fengje nordmenn meir, viser Ipsos-tala. Både langrenn og skiskyting er meir populært enn fotball, og også handball har no vorte meir populært enn fotball. (©NPK)
LES OGSÅ: Skulane favoriserer fotball
