Vestlandet kan få haust heile året
Denne artikkelen er eldre enn 1 år gamal. Det betyr at noko av informasjonen kan vere utdatert.
Ein fersk rapport frå det amerikanske meteorologiske instituttet viser at 2015 var det varmaste året globalt sidan målingane starta. Samtidig har temperaturen i havet aldri vore høgare og havnivået er rekordhøgt som følgje av at isen smeltar i Arktis, ifølgje rapporten som er basert på bidrag frå meir enn 450 forskarar frå 62 land.
Funna i rapporten er som venta, seier seniorforskar Borgar Aamaas i Cicero Senter for klimaforsking til Stavanger Aftenblad.
Dei globale klimaendringane vil også kunne merkast lokalt, og det er dårleg nytt for regnleie vestlendingar.
– Det kjem meir og meir nedbør, og byene blir sterkare og kraftigare. Klimaendringane vil kome til å fortsette, og då er det på Vestlandet vi får ein kraftig vekst i nedbøren, seier Aamaas til avisa.
Nedbøren i Noreg har auka med rundt 20 prosent frå år 1900 til i dag. Den neste 100-årsperioden er det venta ein auke på nye 20 prosent, noko som betyr at nedbøren dei neste tiåra kanskje vil gå opp med rundt 5 prosent. (©NPK)
