Stal dinosaurbein i Ørsta

Den 17 meter lange dinosauren Diplodocus vart nemleg fråstolen eitt av fire bein i Ørsta, melder Dagbladet.

– Det er eit ganske stort bein, så det er ikkje akkurat noko du tek med deg og spring, seier PR-ansvarlig Magnus Winther i Dinoworld Norge til Dagbladet.

Dinoworld stiller ut mange forskjellige dinosaurfigurar laga i glasfiber. Tjuveriet er førebels ikkje meld til politiet, skriv Dagbladet.

Winther seier dei kan forstå humoren i å stele eit dinosaurbein.

– Men for oss er det alvorleg, og det blir ikkje heilt det same for ungane når dinosauren manglar ein fot, seier han til Dagbladet.